I e dawai yada COVID-19 da pteiñ i ynne ka sngi ha Khliehriat Community Health Centre (CHC), East Jaiñtia Hills District heiwa u Dr. D. Shylla, District Medical and Health Officer, East Jaiñtia Hills District wa ka Dr. E.L Kharmutee, DIO I/C, East Jaiñtia Hills District, Khliehriat da yoh ki ya ini i dawai.
U Dr. D. Shylla hawa e i klam da kyntu u ya waroh wow wan chaphrang wow yoh ha ini i dawai manda poi ka pali yong ki khnang wow yada ki na uni u khñiang kjut.
Ka Dr. E.L Kharmutee hadien wa yoh ya i dawai da ong ko wa ymem u sñiaw ko wa em i phær (no side effect) deiwa kyntu ya ki paidbah wymtoh u tieñ ki wow yoh ya ini i dawai.
Da pynchlur ko leh ya kiwa kreh ha i chait i jhiah wa kiwa kreh haphrang (frontline workers) wow chim ya i dawai wei wow yahluti ya kiwi.
Ha kani ka sngi da e leh ya i dawai cha kiwa kreh ka Khliehriat CHC.
