Jowai : Ki pulit yong ka tnat Traffic Jowai hadien wa da sdang ki u esikai ya ki khynnah skur ka chnong Jowai heiwa da leh nyngkong wa ka H.K. Singh Memorial School, pynbood sa ka Marian Hill HS School, Government Girls’ HS School wa ka St. Micheal & All Angels School ynne ka sngi won da synran ki ya ki khynnah puræ ka Jaiñtia Higher Secondary School, Jowai.
Kamwa leh ha waroh ki skur wa da dep, hei step heipor chwa u sdang School, ki Police da sikai ki ya ki khynnah yeiwa emkaam ki u tip kam yei hok yong ki kiwa lai kjet wei yow pynemkaam ya ki luti lai kjet (footpath) wa ki Zebra Crossing.
Heipor 3:30 i janmiet won da yah luti ki Police nadooh na wa mih ki khynnah na ka skur ki hadooh wa poi ha khmat JHADC wei da pynuiñ biang ya ki khynnah katwa ya ki wa em yung cha jan da liwan katwa kiwa em yung cha liang Ladthadlaboh da li uiñ biang ya ki cha skur yong ki.
Yeini da leh kam chibynta wow pynduna yei khynnia ka sarok wei kamjooh leh yow chim biang yei hok yong kiwa lai kjet ya ki luti lai kjet kiwa da chim lut da kiwa dai rood sarok.
Discussion about this post