Jowai : Kamwa da leh ha kini ki tayaw wa da dep, ha kani ka tayaw leh ki pulit ka Jowai Traffic da lai e sikai ki ya ki khynnah ki skur waphær waphær chaphang ki hok yong ki kam ki khynnah hei wow pynemkaam ya ki sarok kamjooh ya ki footpath wei wow pynemkaam ya ki thaw wow kaap chiliang sarok wa tip leh kam ki Zebra Crossing.
Hadien wa da dep e sikai wei manda kut skur, da yah ya ki khynnah ya ka Footdrill, næ ka lai kjat ha ki footpath wa kammon u lai chiliang sarok lyngba ki zebra-crossing.
Ha kani ka tayaw ha ka 23 tarik da pynamn ha ka Basic Upper Primarily School, ha ka 26 tarik ha Panaliar Secondary School, ha ka 27 tarik ha Loomiongkjam Upper Primarily School, wa ha ka 29 tarik won ha Govt. Boys Higher Secondary School, Jowai.
Ha kini ki sngi da saam leh ya ki tin nohjhep cha ki skur wei da kyntu ya ki khynnah wow pynemkaam ki ya kini ki tin wei wow man ki kiwa lehkhooid nadooh na yung hadooh ha lait.
Discussion about this post