Ki pulit Enforcement yong ka Khasi Hills Autonomous District Council (KHADC), ynne ka sngi da hiar ki cha Iewduh wa Them Iewmawlong wow khang khyrdep ya palat 10 tylli ki dukan yong ki baar jylla ki wym em ya ki kot ki sla kam ki license khayi na ka KHADC.
Neiliang u Chief Executive Member (CEM) ka KHADC, u Titoswell Chyne ryngkat ka EM wa pait ya ka chnat yaaw, ka Grace Mary Kharpuri da lai pait ki ya waroh ki dukan ka yaaw, wei neiliang ka KHADC da maham ko ya ki baar jylla kiwa khayi ha kini ka yaaw khlem yohbor na ka KHADC, heiwa da pynsñiaw ki leh wa ini i kynreh ya ki kot ki baar jylla daw pteiñ i man i por.
Neiliang u CEM da ong u wa ka KHADC daw pyntikna ko wa kini ki baar jylla wa khlem paan ya ka license khayi ym yoh license de ki neidaw wa tyngkheiñ ki ya ka aiñ.
Ha ini i lai kynreh da emlang u EM ka chnat khayi, u Rangkynsai Kharbuki, u Syiem ka Hima Mylliem, u Ainam Manik Syiem wa ki Montri ka Hima.
