Hadien wa ka seiñ All Jaiñtia Muster Roll Workers & Labour Union, Central Executive Committee (CEC), da sdang lai pynman yalang yow pynlum pynlang ko ya ki para dkhot ha ki thaw waphær waphær ka Ri-loom Jaiñtia yow yachem yumut kamjooh wow kyrsu kyntu u yamih ryntih ki ha ka yakhih chah thngan khlem booh por ha Shillong ka wow sdang nadooh ka 17 tarik uni u bnai neibynta u dawa yei hok na ka sorkar.
Kamtæ ha ka 10 tarik uni u bnai da pteiñ ko yei pynkhreh paaid sa ha Amlarem Block, wei ha ka 11 tarik won da pynman yalang pynkhreh paaid ki ha ka thaaiñ Shangpung wa haap hapoh ka Laskein Block.
Wei na kini ki yalang leh da chim ki ka jooh ka rai kamwa da chim ha ki yalang wa dadep pynman, itæ toh u ya mih ryntih bait ha katai ka sngi.
I dawa yong ki toh hajrong i pynslem ka sorkar jylla u pynku ya ka bai nongsngi (Variable Dearness Allowance) kawa da toh u pynkrehkaam ki nadooh ka 1 tarik October, 2024. Ka RCW ka wym em pynkrehkaam ka PHE kattu da tam la 28 snem wa kiwi kiwi de.
Neitæ wow pynku ka sorkar ya ka bai nongsngi kawa da toh hok u pynku chisien 5 snem (Basic Floor Rates) nadooh ka 1 tarik October 2023, katkam ka aiñ Minimum Wage Act 1948 wa hap u leh kamwa da ku ki marbaam, bai skur, i dawa wa man-ka-sngi wa ka bai bordiñ kawa da ku dor.
Discussion about this post