Jowai: Ka JSU Mynso Unit, ynnin ka sngi da yoh kem biang ki sa san tylli ki truck kiwa kit palat pood wei kiwa wan na chnong Barato kiwa lai lyngba ka yingkieñ ha Wah Myntang kawa em ha ka chnong Mynso.
Ka seiñ da ong ko wa kini ki truck kiwa em number ML 04 B 8721, ML 04 B 2274, ML 11 2113, ML 05 F 3671, ML 04 5847 toh kiwa kit chyiap yong u Lakhon Phawa.
Kam wow pynkynmoo heini, pyn ha uni u bnai ka seiñ da kem ko ar tylli ki truck wa kit palat pood yong u jooh u bru u Lakhon Phawa, tangwa ka seiñ da phylla ko wow yoo wa uni u jooh hi u bru da phah biang u ya ki truck ynnin i miet khlem burom de ya ki kyndon 144 CrPC wa da pynmih da u District Magistrate.
Ka seiñ da ong ko leh wa ini i leh ye i wow pynktut ya u budloom wa pynyabi ya ki phaw tylli ki chnong neibhah wa da ki spah ngut ki bru pynemkaam ki wow lai luti na kani ka yingkieñ.
Da kylli ko leh wa lada oor kani ka yingkieñ yi wow bahkhlieh ki bru samen mo ka sorkar?
Ka seiñ da ujor ko leh cha ki pulit ka Police Outpost hajrong ini wow leh yeiwa emkaam.
