Jowai: Ki bor pait bor pynlai ka Jowai-Shillong Tourist Cab Association, West Jaintia Hills District hei yahkhmat u Tony Pohshna wow John A. Lyngdoh, hajrong ka thong krehkaam wow wanrah yei miat wei bha yonglang ynne ka sngi Pynsin 21, Wisu 2019 da khut pynman ki ya ka Dorbar yachemlang wa chsien chisnem ha yung walieh Dorbar Chnong Tpep-pale, heiwa ki dkhot ka seiñ na kylleiñ dawan ki wow yachimbyntalang.
U Tom H. Synnah kam u chongknor yong kani ka dorbar da kdar u wow e ki kyntien yahkhmat deiwa pdiang burom yawaroh ki dkhot ka seiñ hadien neitæ pynbood wan i yaklam ya tuklar ya ki mat kyrpang kiwa kynthup i khana, pynsñiaw kyllum u General Secretary yei krehkaam ka seiñ neibynta u snem 2018-19, i puræ yei khein i diah wei sap i tap ka seiñ, i jied thymme ya kiwa krehkaam ka seiñ neibynta u snem 2019-20 neitæ wan da yaklam, ya tuklar leh ya kiwi kiwi ki bynta kiwa yatoh wei miat i bha wei lai bait lai ryntih ki kaam ka seiñ.
Ki yahkhmat wa ki dkhot ka Jowai-Shillong Tourist Cab Association, West Jaintia Hills kiwa da jied dei monjurlang yong ka yung ha kani ka sngi neibynta u snem 2019-20 toh, u Tony Pohshna kam u President, u Kerkifield Lyngdoh kam u Vice-President, u John A. Lyngdoh kam u General Secretary, u Abenego Passah kam u Asst. General Secretary, u Philip Dann kam u Finance Secretary, u Plentiful Nongrum kam u Publicity Secretary, u Tom H. Synnah kam u Adviser, u Yooki Suiam, u Chantremiki Syad wa u Bantei Passi kam ki Auditors wei nalor kini dajied leh kam wa phra ngut ki Executive Member kiwa kynthup yow u Challam Suchen, u John Shylla, u Riraplang Paswet, u Riki Dann, u Mayalang Rympei, u Ditros Rymbai, u Amos Lyngdoh wa u Nangroi Manner.
Discussion about this post