Jowai: Ka Indian Red Cross Society West Jaiñtia Hills-Jowai Branch, chibynta wow pteiñ chooh yei saam mynkna ya ki Mask wei sabon, ha kani won ka tayaw yong ka sngi Pyngkat 14 tarik u Khonchonglad, ki dkhot yong ka hei yahkhmat u Ohiwot Laloo, Secretary IRCS Jowai da hiar ki cha chnong Amsarim wa ha Amlarem.
Ka thong i yoohkjat ki dkhot ka Indian Red Cross Society, Jowai ha kini ki chnong toh nalor i e ya ki Mask wei sabon, emkaam leh wow pynche pynsñiawthooh ya ki paidbah wa ha kam ini i por wot lada ym em de u khoom u kdoh yei lai i wan kam wa jooh man ha ki bnai wa dadep neidaw wa em u khñiang COVID-19, kam ki bru wa chong chnong ymtoh u kheiñstiñ næ tyndep i man ya ki hukum adong wa da booh da kdaw da ka sorkar.
U Ohiwot Laloo hawa klam batai, pynche pynsñaiwthooh ya ki bru wa chong wa sah ha chnong Amsarim, da kyrsu kyntu u ya ki manbei manpa wa ki khynroo khyllood ka chnong wow man ki kiwa phikir wa syndong yei pran samen lada em ha yung hasem næ hawa mih walai wei wow bood ryntih leh ya ki adong ka sorkar, wei i ye u syndong yei pran samen man i ka laad yada wakhroo ya ki khon ka chnong ka thaw waroh kamjooh ya ka thaaiñ War Jaiñtia.
