Ka JSU-War Jaintia Circle (WJC) da pteiñ ko hei yakhun pyrchah ya ka khlam u COVID-19 deiwa chimbynta wow siat dawai tynyap khñiang ha kylleiñ ki chnong ka thaaiñ War Jaiñtia khamtam ha ki thaw sumaar kam ka CHC, PHC, Dispensary wa Sub-Centre wa ha ki thaw wa man yaw wa ki thaw chnong.
Ka seiñ ha kini ki tayaw wa dadep da siat dawai ko hapoh ki thaw sumaar ka Nongtalang CHC, Jarain PHC, Pdengshakap PHC, Dawki PHC, Padu Dispensary, Muktapur Sub Centre, Syndai Sub-Centre, Lamin Sub-Centre, Nongbareh Sub-Centre, Trangblang Sub-Centre, Psadwar Sub-Centre wa ha ka Clinic u Dr. Jomi Gashnga ha Amlarem. Kamjooh leh da siat dawai leh ya ki yung krehkaam ki pulit kam ha Dawki wa Muktapur.
Ka JSU-WJC da e khublei kyrpang ko leh ya u Dr. K. Mukhim, MO yong ka Nongtalang CHC, Dr. Blessy Nora Sutnga MO yong ka Jarain PHC, Dr. H. Synmon, MO yong ka Pdengshakap PHC wa u Dr. Khonglah, MO ka Dawki PHC.
Heijooh i por da e khublei kyrpang ko leh ya ki dkhot ka seiñ kiwa da e yarap kam u Aiborlang Nonglamin, Jerime Bareh, Jasper Surong, Bankerlang Pohswet, Kat Lyngdoh Talang, Diwanmon Lyngdoh Talang, Wanbhabok Lamin, Thonsicle Lamin, Batom Pohktai, Erickson Khonglah, Lenius Lamin, Cenesley Khonglah, Steven Khonglah, Jai Pohshna, Arki Langstang, Happy Langstang, Rishan Khonsni, Control Suliang, Mahrhen Muksor, Phlegon Syndai, Pynshai Suliang, Fullmoon Pamthied, Bankerlang Lamurong, Rectify Swer, Dibormi Amrynsong, Theyo Swer, Shemphang Syrti, Francis Pohplet, Colvet Lamin wa kiwi kiwi.
Ka seiñ da thoh ko leh ki kyntien ha ki dukan wow jngai ki bru iwi na iwi wa i kyntien maham “No Mask No Entry” ha ki dukan wa em hapoh Muktapur.
Kani man ko katkam ka yutip na u President ka JSU War Jaiñtia Circle, u Eddy Kery Pohtam wa u Secretary u Kerrydiam Lamin.
Discussion about this post