Ka Khasi Students’ Union (KSU) Nongtyngur Unit ha ka 23 tarik uni u bnai deiwa yarap ki waheh ka chnong Nongtynur kawa em hajan Pynursla sa chisien da yarap ki wow pynchna wei wow pynmiat ya ka yingkieñ jri kawa em hajan ka chnong yow wanrah yei myntoi wei wow pynneh kyrpang leh ya ki dak kti yong ki longchwa manchwa.
Ya ini da leh neidaw wa em ki bru wa pam dusmon wei noh jhep ha ki riat wa em kani ka yingkieñ jri wei nadooh wa sdang wow leh ya ini la le sien da ka seiñ ha kini ki snem wa da lai, kiwa chong chnong leh da sdang ki wow sñiawthooh wei ym em de kiwa leh pynsih ya kani ka yingkieñ jri.
Ha kani ka kynti da pynchna leh yow pynpoor ya ki thied wow pynmih sa kawi ka yingkieñ.
Ka seiñ da e khublei ko leh yei ya krehlang kiwa chong chnong wei da kyrmen leh wa i thmu yong ka seiñ u man ki kiwa jop deiwa ya krehlang ki paradoh para snaam.
Chooh chooh ka seiñ da ong ko wa kini ki yingkieñ jri kam kiwa em ha Nongriat, Mawlynnong-Nohwet, Kudengrim, Mawkyrnot wa kiwi de kiwa ym tip pyrtuid, da man ki kam ki dak kti wa ka jiatbru yong i toh kiwa chynnai jngai wei da pynyoo leh kawa pyrkhat bha ya ka imlang sahlang kamjooh ya ka bei rymaw wei khamtam ya ka mynried yong kiwa daw wan.
