Ka seiñ Meghalaya People’s United Front (MPUF) Central Governing Body ynne ka sngi da pteiñ biang ko yei e yarap cha ki paidbah kiwa emkaam yarap heiwa ynne da yoh u kyrchaan ya ki 14 tylli ki manyung ka chnong Moosalyngkat, Jowai.
Ha kani ka sngi da emlang u General Secretary ka seiñ, u Aimonbha Syad, u Education Secretary u Chalbester Maria, u President ka Jowai City, u Fredy Nelson Dhar, u Nehimaya Pakma wa u President ka seiñ, u D. Wanmi Laloo.
Chwa wow ekti ya ki mar baam da yoh i klam wa tbian na u President ka seiñ, u D. Wanmi Laloo heiwa da kyrpaad u ya ka sorkar wow pynyinsur noh ya ki kyndon wow khoom u kdoh iwa da ktah chiboon ya kiwa dooh wa duk wei da yoh leh i klam na kawi ka Asha, ka Auxilium Ksoo kawa da ekhublei ya ka seiñ.
