Ka Rotary International ynne ka sngi da lehwarom ko ya ka ‘World Polio Day’ hajrong ka phang “Delivering on a Promise”, iwa mut wow pyndep yeiwa da kular heiwa ha u snem 1985 ka Rotary International da kular ko wow pyndoohjait noh ya ka Polio na ka pyrthai. Heiwa ha Shillong ynne ka sngi da leh warom ya ini da ka Rotary Club of Orchid City Shillong.
Chwa wow em i dawai Polio, waroh kawi ka pyrthai da chah ktah bha ko ha ini i kjut heiwa ki khynnah kiaw hapoh san snem da yoh kjut ki dei yap-chiliang, i chah ktah i bor pyrtkhat wa kiwi kiwi.
Ha u snem 1985 manda ka Rotary International wa ki san tylli kiwi ki seiñ ka pyrthai da raikut ki wow pyndooh noh ya kani ka kjut, ki dkhot ka Rotary International da pynmih poisa ki da ki Billion Dollar wow thied dawai Polio wow yoh u e cha kiwa chong chnong ka pyrthai ya kawa da khut leh kam ka “Polio Plus”.
Ka ri India lyngba i pynjoo dawai Polio daw ye ko u pyndooh noh ya ini i kjut ha u snem 2026.
Ynne da em sadu le tylli ki ri wa dang em kani ka kjut wei kitæ toh ka Afghanistan, Pakistan wa ka ri Nigeria.
Ka Rotary International khlem chong da kreh ko ha kini ki ri leh wei da kyrmen skem wa daw ye u pyndooh noh ya kani ka kjut.
Ka ri India dang pteiñ ko u e dawai Polio ha u Duyatra (January) man u snem, neibhah wa ya em i poor kani ka kjut na kini ki ri wa yajan wa ka.
Ka thong toh wa ha u snem 2026, toh u yoh u pynbna wa ka pyrthai da lait ko na i kjut Polio lada ym em kjut de kat hadooh u snem 2024.
