Ynne ka sngi ka Seiñ Raij Muthlong ryngkat waka Seiñ Khynroo Khyllood yong ka Seiñ Raij Muthlong da lai synrait dawai (Disinfectant) ki ha waroh ka thaw chongkset namo ka Quarantine Centre kawa em ha chnong Thadmuthlong C Phramer.
Da lai synrait dawai leh ha yung krehkaam ka Traffic Cell Phramer kamjooh ha ki thaw wa rap man paidbah kam ha SBI (State Bank of India) Phramer, Jowai Cooperative Urban Bank kawa em ha chnong Thadmuthlong C, Phramer wa ki yaw ki haat wa em hapoh kani ka chnong.
Ya ini i lai synrait dawai da yahkhmat da u President ka Seiñ Khynroo Khyllood Seiñ Raij Muthlong, u Nidapbiang Lyngdoh, u Teimi Ymbon, u Heimonmitre Suchiang, u Shaborlang Ymbon wa u Mardei Sari.
Ka thong yong ini i synrait dawai toh kam ka laad wow yada nei poor ka khlam COVID-19 khamtam ha ki thaw wa man paidbah.
