Ha ka 3 tarik uni u bnai, u Ambassador ka USA cha India, u Eric Garcetti da yachem u wa u President ka Congress u Mallikarjun Kharge uwa man leh kam uwa yahkhmat ka Liang Pyrchah ka Rajya Sabha ha yung yong oo wow yaklam pynyajan hapyrdi kini ki ar ri.
U Kharge da booh u ya ki dur yong oo wa u Garcetti deiwa ong wa ka India wa ka United States yajan lok bha ki ha pyrthai ha kiwa boon ki bynta khamtam i synchaar paidbah.
Da sñiawkmen u leh wow yachem wa u Ambassador ka US cha India, u Eric Garcetti; u Minister-Counselor of Political Affairs, u Graham Mayer wa ka Chief of Staff, ka Lisa Brown heiwa da yaklam wow ngam yillu wow yatoh kini ki ar ri.
Kani ka yalang u Eric Garcetti wa u Mallikarjun Kharge toh du hadien kattu katni sngi wa ki heh ka USA da yachem ki wa ki heh ka National Conference ha Jammu and Kashmir chwa ka Assembly Election. Ini toh hapyrdi u Minister-Counsellor for Political Affairs u Graham Mayer wa u First Secretary, u Gary Applegarth heiwa da yachem ki wa u Vice President ka National Conference u Omar Abdullah ha yung u iwa em ha Srinagar.
Ha u bnai wa dadep, ka Jennifer Larson kawa man ka US Consul General In-charge American Mission ha Hyderabad da yachem ko wa u heh ka AIMIM u Asaduddin Owaisi wei da yachem ko leh wa u Chief Minister ka Telangana u Revanth Reddy.
Ini i yachem teiñ ki heh ka USA wa ki Liang Pyrchah da pynpyrkhat i ya kiwa boon hapoh ka ri khamtam wa luchia ka USA hapoh i synchaar ha ri India.
Ini wadep ka Russia da maham ko wa ka CIA kamjooh ka USA kwah ko wow tyngkheiñ ya ka sorkar u Modi ha India.
Discussion about this post