Jowai: Katkam ka yutip wada yoh na ki pulit da ong wa ha ka 18 tarik heipor kamwa 9:00 waje i miet da chem ki ya kawi ka Dumper Truck wa em u No. ML-04B-6360 wa yah da u Eilad Syngkon kawa kit mooyong pyrchah ya ka hukum ka NGT ha 3-Kilo Sutnga Road (EJH).
Ha ka jooh ka miet heipor 10:00 waje da chem ya soo tylli ki truck wa em u No. AS-01DD-2513, AS-01GC-4159, PB-07AC-5698 & NL-01K-1387 kiwa kit tooh ya u mooyong katwa kiwa yah wa kiwa yarap ya kini ki truck da yut ki.
Ha ka 19 tarik heipor 10:30 i step ki pulit da kem ki ya ka truck wa kit mooyong tooh kawa em No. AS-19C-7687 wa yah da u Md. Eunus Ali (22 snem), na Puriang (EKH).
Ha kani ka jooh hi ka sngi da kem sa ar tylli ki truck wa kit mooyong tooh pyn na Puriang hi kiwa em u No. AS-19AC-0763 wa yah da u Md. Abdul Malek wa kawi won wa em No. AS-19C-9387 wa yah da u Taimul Ali.
Discussion about this post