Kam chibynta wow pynjanai ya i bha i miat ki warep, u Montri Rangbah ka jylla, u Conrad K Sangma da ong u wa emkaam u pynksan ya i pynche pynsñiawthooh paidbah hajrong kammon wow pynku ya ki kaam rep hapoh ka jylla.
Neiliang u Conrad da lai u ha kylleiñ ki District ka jylla wei da yaklam u hajrong ka FOCUS namo ka Scheme krehkaam ka sorkar wow pyntikna wa ki warep wan ki chirup wow sdang ya ka ‘Producers Group’ wei wow yoh myntoi yarap poisa na kam ka Meghalaya Basin Management Authority (MBMA).
Hawa yaklam wa ki warep ha Ampati, South West Garo Hills, u Conrad da pyntip u wa ka Prime Hub da sdang ya ka ha kylleiñ ka jylla wow pynchlur ya ki warep wei wow chah hikai ki lyngba ka MBMA heiwa daw sdang noh leh ya ka Prime Hub ha South West Garo Hills.
Da pyntip u leh wa ka sorkar da e yarap ko ya ki warep wa kiwa seiñ khih kam ka ram khlem sut, i esikai wa kiwi kiwi.
Ha kani ka sngi da yaklam u leh wa ki warep wa kiwa seiñ khih yow pynyoh thaw dai, thaw pynlai yaw ya ki wei da ekti u leh ya ka poisa yarap cha ki seiñ Producers Group ka District.
