Punkhon kawa dang 15 snem hadien wa chah slaitbor ha u pa nah

Kawi ka kynthai wa dang 15 snem da chem wa da punkhon ko neiwa chah slaitbor ko ha u pa nah ko hadien wa lai leh ko ya ka Medical Check-Up ha Primary Health Centre, wei hadien won da lai booh ka cha Ganesh Das Maternity and Child Health Hospital, Shillong.

Ya kani ka khynnah da lai booh ka cha Hospital ha ka 1 tarik uni u bnai wei da pyntikna wa da punkhon ko la 6 bnai.

Neiliang ka bei ko da pyntip ko wa ka khon ko da tieñ ko wow khana yeini neidaw wa chah maham ware ko ha u pa nah ko.

Hadien won da lai ujor kani bei ko ha ki pulit wot hadien wa da kylli ko boonsien na ka khon ko kawa da ong bait ym phær.

Related posts

Sahkut ka Monorail ha Mumbai deiwa em da ki spah ngut hapoh

August 19, 2025

Rs. 20,000 e yarap ka Synjuk Ki Waheh Chnong Jowai wow lai yasaaid neibynta ka wah Myntdu

August 19, 2025

Chwa ini, neiliang ki jan yung da khuslai ki yei kylla i rukom man i chait i khiah kani ka khynnah, kamtæ kani ka manbei da lai yah ko ya ka khon ko cha ka Primary Health Centre heiwa da chem wa da punkhon ko wei hadien ini da phla ko wa da chah slaitbor ko boonsien ha u pa nah ko.

Ya kani ka khynnah da chah wow mih Hospital ko ynnin ka sngi hadien wa da lait ko na iwon iwon i maa hei chait i khiah ko.

Neiliang kani ka manbei da kyntu ko ya ki pulit wow chimkhia ki yeini waroh wow pynchitom ya uni u pa nah uwa sah kattæ ha chnong Rangshkhen hajan Sohiong.