Pyllait kari kit pyrthaap tooh ka Moodymmai Check Point yong ka Forest Dept. : AHPUF

Jowai: Ka seiñ All Hynniewtrep People United Front (AHPUF) da chem ko wa ka Moodymmai Forest Check Point yong ka State Forest Department Jowai, da pyllait tooh ko ya ki kari wa kit pyrthaap khlem em T.P. namo ki Challan.

Ka seiñ da booh ko ya ka ujor ha kani ka Check Point pyrchah ya kawi ka kari khad-ar chaka wa kit pyrthaap tooh ha ka 21 tatik uni u bnai.

Da pyntip wa kani ka kari toh kawa em u No. NL01N 7777 kawa thmu wow kit ya kini ki pyrthaap cha Guwahati.

“Iwa phylla won toh da chah kyntait ka ujor weiwa u Incharge yong kani ka Check Point da ong u wa ym ye ki u sylli næ kem ya ki kari hanlada em kiwa ujor wa kit tooh ki ya ki dieñ wa ki pyrthaap.” da ong ka seiñ iwa da pynlyngngoh leh ya ka.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da kyntu ko ya ka sorkar wow pynchitom ya uni u Incharge u wym leh ya i kaamram yong oo katkam ki kyndon ka aiñ.

Chooh chooh ka seiñ da beiñ joor ko ya ka tnat Forest Department, Territorial Division yong ka sorkar jylla yei kheiñstiñ ko ya kam kini ki kaam kiwa man pyrchah ya ka aiñ.