Jowai: Ia ka kot kawa e pyrtuid “Ki Atair Jingngeit U Khristan” Thup-I kawa da thoh da u ma K. Sumer na ka Balang U Khrist, da wan pylleit paidbah iaka da u ma Jetstar Warjri uwa man kaam u Superintendent Supply East Jaintia Hills District ha kani ka 19.09.2015 ha Mookyrdup Jowai.
Hachwa u pyllait paidbah ia kani ka kot da em i ialang wa da pynlai da u P. Marwein, da ioh ia i puræ wa i duwai na u Banker Uriah, i klam na u Micheal Buam uwi na ki nongthohkot wa paw ha Ri Jaintia. U ma Warjri da iaroh u ia u ma K. Sumer uwa da ye u pynmih ia kani ka kot kawa da man kawi na ki kot wa daw e myntoi bha ia ki paidbah wa puræ ia ka. Da e khublei ia u ma Sumer ia i kreh chitom u wow pynmih kat kani ka kot wei da e leh u ia i kyrkhu kyrdoh wa u nang ye chuh chuh u pynmih sa ia ka Thup wa ar wa le ter ter neini cha khmat.
U ma Warjri leh ong u hapoh ka Balang u Khrist kamjooh ha waroh hi ka Ri Khasi wa Jaintia dang duna bha ki nongthoh hei iatoh wa kawon kawon ka Subjek. Kamtæ i emkam bha i chiboon ki nongthoh neidaw i mih ki kot kiwa thoh ha ka ktien iong i daw iarap u pynneh pynsah ia ka ktien ka thylliej iong i.
Ha katai ka sngi da ioh leh ia i klam na u bah Holiwell Dhar wa ia ki kyntien e khublei da e da u K. Sumer u nongthoh iong kani ka kot ha i emlang wa kiwi kiwi de ki waheh wa chah khut snaiwbha.
Discussion about this post