Pyllait paidbah ka EJNC yaka riti krehkaam ka seiñ

Jowai: Ka East Jaiñtia National Council (EJNC) haka General Executive Council (GEC) yong ka seiñ kawa pynman haka 23 tarik uni u bnai ha Khliehriat West Community Hall, kawa pynlai da u Nangjan Dkhar, General Secretary EJNC – CEC, ha chwa wow pyllait paidbah yaka riti krehkaam ka seiñ da pynman yaka suki kiaw wa chibet kam ka dak wow kynmoo warom ya u President warim ka seiñ u (L) Shanbok L Syad.

Hawa klam ha katai ka sngi, neiliang u Sambormi Lyngdoh, President waheh ka seiñ da ong u wa kani riti krehkaam ka EJNC daw kdoh daw khoom ko ya ki dkhot ka seiñ neibynta i bha i miat yong ka imlang sahlang wei kamjooh yaka seiñ hi waroh kawi.

Ha katai ka sngi da yoh leh wow pynthymme ya ki kattu katni kiwa kitkaam yong ka CEC kiwa kynthup ya u Allmiki Ryngkhlem , Vice President EJNC – CEC, u Mehi Rymbai, Asst. General Secretary EJNC – CEC, u Hebormi Shylla, Publicity Secretary EJNC – CEC, u Niniwanbiang Sungoh , Finance Secretary EJNC – CEC, u Training Phawa, Sport Secretary EJNC-CEC.

Ha katai ka jooh ka sngi da pynthymme leh ya kiwa kitkaam yong ka EJNC-Khliehriat Circle, kiwa kynthup: