Pyllait paidbah u Nehehmayah Tyngkan ya ka Film Inamorato

Jowai: Da ki spah ngut ki paidbah kiwa wan sakhi ya i wai paidbah ya ka film Pnar kawa tip kam ka Inamorato  da u Nehemayah Tyngkan hadien wa da yoh ko ya ka Certificate na ka CBFC.

Ha kani ka sngi da emlang leh u Rev. H.H Mohrmen, u Terence Sawian, u Rikut Parien, ka District Social Welfare Officer wa kiwi kiwi.

Kam u kongsan ha kani ka sngi u Nehemayah Tyngkan uwa man leh uwi na ki kyrtong wow yakhun ya ka Election MLA na 4^thMowkaiaw Constituency da e yaroh u ya kiwa chna phlim kiwa ye u yarap wow e khih ya ki khynroo khyllood ka thaiñ deiwa kular leh wow thooh ki laad wow chna ya ki policy wow kyrchaan wei wow kyntu kynrong ya ki film Khasi Jaiñtia.

Heijooh i por da ong u wa lyngba ki film ye ki bru u yoo ya ki thaw wa miat kiwa heiwi i dur yarap ki wow kyntu kynrong ya ki kaam uiñke suwari hapoh kani ka thaiñ kamwa man cha kiwi tawon ki jylla wa ki ri ka pyrthai.

Uwa pynwandur (Director) ya kani  ka film uwa man leh kam u Actor yong ka da ong u wa ka thong yong oo hi toh wow pynku ya ka imlang sahlang.

Related posts

Da kyrriah tarik ya ka sngi pynman Fete wa pynkhle Lucky Draw ka Dorbar Chnong Wahsarang

November 4, 2025

Ka Result Lucky Draw ka Rymbai Presbyterian Lower & Upper Primary School

November 3, 2025

Waroh kiwa wan pait ya kani ka film da e yaroh ki ya ka kawa man ka film kawa yosuk u pait wei kawa em yumut wa khia bha.