Tura : Ynne ka sngi 19 tarik u Dr. Mukul Sangma da pyllait paidbah u ya ki kari Highway Patrol hei emlang u Parliamentary Secretary, u Noverfield Marak, Tura MDC u Rupert Sangma, Deputy Commissioner Pravin Bakshi, ki pulit ka West wa South West Garo Hills wa ki bru paidbah ha Tura Police Reserve.
Kini ki kari Highway Patrol da pyllait ha kylleiñ ka jylla yow pynkhlan ya ki bor pulit ki District ha lynter ki sarokbah næ ki National Highways yow pyntikna leh yei rukom smat ki pulit u beh cha ki thaw wa em i jia wa sñiawsih kam ki tyrrah kari, ki chah lute wa kiwi kiwi.
Ya kini ki kari u daw pynyieñ ha tymbud sarok khamtam ha ki thaw wa joor i kaam yatyrrah kari kamjooh ki thaw wa khlan ki damok u leh yei kaam yong ki.
Le tylli kini ki kari Highway Patrol, ar tylli ha West Garo Hills wa ka wi ha South West Garo Hills da pyllait ynne ka sngi.
Discussion about this post