Jowai: Kamwa man khlieh snem, ka Dorbar Chnong Ladthadlaboh daw pynman biang ko ya ka yaaw Fete wei dadep pyllait ya ki Ticket khle-nasib (Lucky Draw) heiwa u MDC ka Jowai North u Brightstar Chyrmang da pyllait paidbah u ya ki wei kani ka Fete u man ko ha ka 5-6 Khonchonglad (Nov) 2019.
Ya kini ki Ticket, u Brighstar da pyllait paidbah ha yung krehkaam ka Dorbar Chnong hei emlang u Acting Waheh Shnong ka Ladthadlaboh Dorbar Chnong, u Russel Nongrum, u General Secretary Ladthadlaboh ABM Shullai, u Secretary ka Lucky Draw, u Samuel Lyngdoh wa u Asst. Waheh Chnong u S. Bareh chirup wa ki dkhot ka Executive Body ka chnong.
Ka Ladthadlaboh Dorbar Chnong pynman ko ya ka Fete khlieh snem neibynta wow pynmih poisa wow chna ya ka yung skur kawa dang pynkreh chaaid chaaid kamjooh leh neibynta ka tulop kiwa sikai ha ka kyrdan Secondary.
Ka Dorbar Chnong da kyrpaad ko ya waroh ki paidbah wow e kyrchaan ya kani ka Fete wa ka Lucky Draw kamwa da jooh leh ha ki snem wa da lai khnang wow man kani ka thong yong ka kawa jop.
U Brightsar hawa klam ha ka yalang pyllait paidbah ya ki Ticket da kitbok kitrwiang u ya ka Dorbar Chnong wow ye ko wow pynlai yaaw ya ki Ticket khnang wa i angnood wa i thmu wa bha ka chnong u man ki kiwa jop.
Ka yaaw Fete yong ka Ladthadlaboh daw man ko ha ka 5 wa 6 Khonchonglad (Nov) katwa ya ka khle-nasib daw pynkhle ha ka 6 tarik.
Ki Prize yong kani ka khle-nasib uni u snem man ki kamni hawah:
1st Prize: Maruti Swift
2nd Prize: Mahindra Jeeto
3rd Prize: Yamaha Ray-Z
Consolation Prize: 3 tylli T. 10,000.
Discussion about this post