Ka Synjuk Waheh Chnong Jowai ynnin i janmiet da pyllait paidbah ko ya ki ticket khle nasib namo Lucky Draw ha Yung Dorbar ka Newhill hei emlang ki waheh chnong ki secretary chnong na ki dorbar chnong waphær waphær.
Haka yalang wa pyllai da u L. Pohktai neiliang u President Synjuk Waheh Chnong Jowai u A. Niangti da pynsñiaw u ya ka thong wa da seiñ ya ka Synjuk kamjooh leh i lai luti yong ka ha ki sngi wa dep.
Heijooh i por da ong u wa i daw wa pynman da ka Mini Lucky Draw toh yow ye u pyllai bait yei kaam ka Synjuk neibhah ha ki sngi ki por wa dep chynna wa emkaam u em ka yarong poisa yow ye u lai luti chakhmat neibynta i bha i miat.
U Moonlight Pariat hawa e yei klam kam u kongsan ha kani ka janmiet da yaroh u yei lai luti ka Synjuk deiwa ong leh wa hanla i yakhun ka Synjuk wow pynneh ya ka PWD Jowai North Division wym em ye ki leh tangwa man hi i kaam iwa jop.
Da ong u wa katkam ka yutip wa tikna wa yoh u na uwi u MLA, da ong u ma dei wym mih i pyrchah hajrong i kyrriah ya kani ka yung krehkaam, em chiboon ki yung krehkaam wa ka sorkar da mut ko u kyrriah, tangwa katwa yoo ki wa em i pyrchah tæ suki noh ka sorkar.
Hei yatoh wa ka Mini Fete ka Synjuk kawa daw pynman haka 10/09/22, ki khusnaam yong ka Khle Nasib u man ki kamni hawah:
First Prize – T. 1 lak
Second Prize – T. 50,000
Third Prize – T. 30,000
Wa 10 tylli ki Consolation Prize kiwa mar T. 5,000
