Pyllait u Wailadmiki ya ka kot ka JTES ka “Discover Jaiñtia A Decade 2006-2016”

Jowai: Ka seiñ, Jaiñtia Tourism & Environment Society (JTES) ynne ka sngi da pyllait ko ya ka kot wa e pyrtuid Discover Jaiñtia A Decade 2006-2016 ka wow sahkynmoo yeiwa pynman ya 10 tylli ki Discover Jaiñtia kamjooh ki kaam wa da leh ka seiñ.

Ya ka yalang pyllait kot da pynman ha Conference Hall u DC ka WJH heiwa u Wailadmiki Shylla u MLA ka Jowai Constituency da man u kam u kongsan hei emlang ki dkhot ka JTES ki khynnah puræ ka Thomas Jones Synod College waka North Liberty HS School.

U MS Lhuid u DC ka EJH uwa jooh man leh kam u Founding President ka JTES da ong u nyngkong heipor wa sdang ya ka JTES boon ki bru ym pu sñiawthooh ki chaphang ki kaam Tourism kawa man leh kawi na ki karkhana wa heh hapoh pyrthai kawa ye u pynyoh kreh ya kiwa boon, tangwa katni hadooh ka sorkar jylla leh da booh ko ya Tourism kam kawi naki thong wa ha khmat dooh yong ka.

Da khana u leh heipor wa man u kam u Project Director ka DRDA jooh pynkrekaam ya ki jooh bait ki kaam kam wow chna Community Hall, ki luti lai kjat wa ki madan yalehke, tangwa da mih i pyrkhat wow thooh noh da ki thaw wa ye u pynemkaam kam ki thaw lai uiñke suwari wei da chna ya ki rana wow hiar cha kchaaid Tyrchi, da chna ya ka Ialong Park, ka luti lai kjat wa da ki moo wow lai cha kchaaid Krangsuri wa kiwi deiwa yakrehlang wa kiwa boon ki tnat sorkar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ka JTES hadien wa sdang ko ya ka Discover Jaiñtia da pynbood leh da kiwa na Tura ya kam kani ka tamasa heiwa da khut ki leh ya ki dkhot ka JTES wow yarap ya ki. Da khana u leh wa ha uni u snem daw pyrchang ki wow pynheh ya ka lehkmen chaad kutsnem ha Jowai.

Neiliang u kongsan u Wailadmiki da yaroh u ya ki dkhot ka JTES deiwa ong wa man ki ki bru wa khroo pyrkhat kiwa da pynku ya ka ri-loom Jaiñtia heiliang ki kaam uiñke suwari wei katni hadooh u montri rangbah ka jylla leh da yachem u wa ki montri sorkar pyrdi wow yarap ha kani ka kaam.

Da ong u leh wa nadooh wa chah khang u mooyong katni ki bru da sdang ki wow thooh kreh da kiwi wei ka kaam uiñke suwari da man ko kam kawi na kini wei cha i da kyrkhu chwa u blai da ki loom ki wah wa miat ym toh kam cha kiwi ki ri daw haap pynlut da ki hajar klur wow chna ya ki thaw uiñke suwari.

Chooh chooh da ong u wa emkaam leh ya ki chnong ki thaw u man ki kiwa lehkhooid wei kiwa tip leh u pdiang ya kiwa wan uiñke suwari.

Neilang u President ka JTES u P. Lyngdoh da khana wa ka bai chon ya kani ka kot da lut T. 1,50,000 wei u dai ya ka heidor T. 300 ka wi.