Pyn da u moo wa u chyiap na ka wah Myntdu siang ya u sarok Jowai Bypass

Ka Khooid Ya ka Wah Myntdu (KYM) hei yakhun wow pynneh pynbha ya ka wah Myntdu kawa man kawa pynbiang umbaam umdih ya kiwa chong chnong ka Jowai kamjooh ki warep, ha kini ki sngi wa dep yoh ujor ko na kiwa boon ki tre chnong yei khloh khiar ki JCB, ki Truck Dumper ya ki moo i khyndaw na ka wah Mynkrem wa na ka wah Myntdu hei chna ya u sarok Jowai Bypass narood ka wah Myntdu.

Kamtæ ka seiñ ha kani ka tayaaw dei sñiawkhia da lai pait ko yeini wei da chem sakhiat wa ya ki moo wei khyndaw da khloh ki pyrchah ya ka aiñ iwa da pynkhyrngiat chooh chooh wow yoo yeini.

Ka seiñ da ong ko wa ini i leh ka yung krehkaam u EE PWD (Rds) Jowai Central Division man ko kamwa pynyap ya waroh iwa im ha ka wah wei da man ko leh pyrchah yei hukum u DC ka West Jaiñtia Hills wa ya ka hukum u CFO ka JHADC kiwa da khang pyrchah wow khloh moo wei wow tih chyiap na ka wah Myntdu khamtam da ki Truck wa ki JCB.

Da pynlyngngoh leh ya ka seiñ wa kammon ka PWD siang ko da ki moo wa i khyndaw kiwa sai na ka wah Myntdu deiwa kylli leh wa kammon u chna ya u sarok uwa da ki phaw klur da ki moo wa i khyndaw na ka wah wei kiyi wow bahkhlieh lada ka um wa saam na PHE daw jngud ko wei lada wiar sa ka wah Mynkrem deilang ka wah Myntdu.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Ha ini i lai pait da emlang ka B. Blah, ADC ka District, u H. Nengnong EE PWD (Rds) Jowai Central Division, u H. Passah na ka yung krehkaam u CFO JHADC deilang ki waheh ka chnong Jowai.

I pyntip na u Khroo L Pariat, President ka Khooid Ya Ka Wah Myntdu.