Ka Directorate of Sports & Youth Affairs ka sorkar Meghalaya ynne da pynman ko ya ka yalang yow e mynsien wei wow pyn-eh-daw pyn-eh-nasib ya ki chynrang ki wow lai chimbynta haka U-14 wa U-17 ka 62nd International Subroto Cup Football Tournament 2023 kawa daw pynman ha Bengaluru wa ha Delhi.
Neibynta ki U-14 daw sdang ha ka 1 tarik uni u Naichiphaw wei daw pynkut ha ka 10 tarik u Naichiphaw hi ha Bengaluru katwa ka U-17 u sdang ha ka 14 tarik wei daw pynkut ha ka 23 tarik u Naichiphaw ha Delhi.
Ha kani ka yalang da emlang ki sahep ka Directorate of Sports and Youth Affairs wa kyntup ya u Paia War Nongbri, Asstt. Director, u Khroobok Passah, Asstt. Director, u Oral Mawthoh DSO ka East Khasi Hills deilang ki khynnah wa kiwa mihkhmat ya kini ki skur wa da yoh u lai chimbynta.
Kam wow pynkynmoo wa ya ka U-14 u mihkhmat ya ka Meghalaya da ka H.K. Singh Memorial Secondary School, Jowai katwa ya ka U-17 won daw mihkhmat da ka Assam Rifle Public School, EKH.
Ka H.K. Singh School da booh ya ka haka Pool-A deilang waka Sainik School, KVS, Tripura waka NVS wei ha ka 1 tarik heipor 7:00 waje i step daw yachem ko waka Sainik School.
Ya ki kynthai won da dep wow lai mihkhmat ha ka Under-17 Girls da ka Saiden Secondary School, Ri-Bhoi District kiwa da rem noh wei ya ka Final da pyman ynne hapyrdi ka Haryana waka Jharkhand.
Discussion about this post