Jowia : Ka thaw paitke ha Syntuksiar namo ka Fish Viewpoint wa chna da ka Jaiñtia Fishing & Environment Protection Association (JFEPA) hei dor wa kamwa T. 9 Lak deiwa yoh yarap poisa na ka tnat Fisheries, JHADC kamjooh pyn na ka JFEPA da pyndep ya ka wei daw wai paidbah noh ya ka ha uni bnai Kmaichonglad da pyntip ki dkhot ka JFEPA. Da sdang u chna ya kani ka Viewpoint nadooh u bnai Wisu uni u snem.
Kani ka Viewpoint toh kawa em harood ka Kroh Syntu Ksiar wei da jrong ko kamwa 20 phut wei kmai ko kamwa 10×10 phut.
Ki dkhot ka JFEPA da pyntip ki wa dang sah wow chan sa ki luti lai kjat cha kani ka thaw tangwa da booh wa u wai noh ya kani ka thaw ha chwa u kut uni u snem kamtæ u lai bait ko cha khmat.
Heijooh i por leh da pyntip wa dang pyrchang ki u thooh poisa yow ye chooh u pynmiat ya ki soo dong kani ka thaw paitke.
Kani ka viewpoint da chna kam chi bynta wow yoh laad ki paidbah u paitke wei wow e baam ya ki dakha ha ini i bynta ka Syntu Ksiar wa da pynman kam ka Fish Sanctuary.
Discussion about this post