Pyn ka-it mynsien kiwa yah thuk thuk ya ki khynnah khonswet

Jowai : Ka Officer’s Club West Jaiñtia Hills District, Jowai chirup wa ka The Ultimate Legends Bikers Association (TULBA) ynne ka sngi da leh burom ki ya ki khynnah khonswet wa em hapoh ka district deiwa pynman ya ka Pre-Christmas Festival ya ki 105 ngut ki khynnah wa em hapoh ka Boys’ Shelter Home, Chutwakhu, Girls’ Shelter Home, Mihmyntdu, NEIMA wa ka Children Home, Wahiajer.

Ha chwa wow sdang ya ka yalang ka TULBA da wan ki na Shillong di thuk thuk wa em kamwa 28 tylli deilang wa ki tanghæng wa tem ya ki sur Christmas da uiñ ki cha kiwa boon ki dong ki chnat ka chnong Jowai.

Ha ka yalang wa pynman ha madan Jrisaleiñ, Chutwakhu ki dkhot ka TULBA wa ki dkhot ka Officer’s Club West Jaiñtia Hills District da saam sñaiwbha ki ya ki tiar ki tar cha ki khynnah kiwa da yoh leh u ah ya u cake Christmas wa da chna kyrpang ya ki.

U ma D.M. Wallang, ADC da pynkynmoo u ya ki khynnah wow em i ngait ki ha u Blai wei wow ngooh ki ya oo man ka sngi neibhah oo ym mylliñ u ya ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang ki khynnah da e ki ya ki rwai wa ki chaad Christmas wa pynlung yei mynsien ya waroh kiwa emlang.