Ka Federation of Khasi Jaiñtia and Garo People (FKJGP), Jaiñtia Hills Zone da pdiang sñiawbha ko yaki 9 ngut ki khynroo na ri-loom Jaiñtia chapoh ka seiñ haka yalang kawa man ha ka 6 tarik uni u bnai ha Tyrchi Inn Khliehtyrshi, West Jaiñtia Hills.
Ha kani ka sngi da pdiang burom ya ki 9 ngut deiwa emlang kiwa kitkaam yong ka FKJGP West Jaiñtia Hills hei yahkhmat u Wympher Wan, Organising Secretary waka ki dkhot ka FKJGP East Jaiñtia Hills kiwa yahkhmat da u Deihok Sumer, General Secretary.
Yaka yalang da pynlai da u Chief Organising Secretary, u D.S. War uwa da pynsñiaw yei sñiawkmen wa khroo ya i wan pyn yasoh yong kini ki khynroo wow nang pynkhlan chooh chooh ko yaka seiñ.
Ha kani ka sngi ka FKJGP Jaiñtia Hills Zone da pynkha ko ya kawi ka chnat krehkam hapoh ka seiñ kawa tip kam ka Agriculture Cell. Ya kini ki dkhot thymme da pynsmai da u Kitbok Nongphlang uwa man leh u Chief Organising Secretary ka seiñbei, da pynskem u leh ya kiwa kitkaam yong ka Agriculture Cell Jaiñtia Hills Zone.
Ha kani ka sngi da emlang leh u President warim ka seiñbei u Emlang Lytan uwa da e ki ktien sneiñ ktien kroo wow man kiwa yaineh, kiwa tip bru tip Blai wow man kiwa kitkhia yaka kaam khnang yow ye u yarap yaka ri waka jaitbru hi waroh kawi.
Da yoh leh i klam na u Brister Mawthoh Agriculture Cell Central Body, da batai bniah u chaphang ka rep ka riang, da ong u wa ym toh wow yoobeiñ yaki warep wei wa ym toh u sñiaw poh wa toh i ki warep neibhah ka kaam rep leh ye ko wow kyntu yaka yoh ka kot hapoh ka jylla yong i.
Ha kani ka sngi da emlang leh u Danny Nongrum, Assistant Education Secretary Central Body, u Wilfred Kharumnuid, CEC Member, da synran lang leh wa kiwa kitkaam yong ka Nonthymmai Circle wa ka Mawryngkneng Circle.
Kiwa kitkam yong ka FKJGP Jaiñtia Hills Zone Agriculture Cell man ki kamni:
Jimmy R. Lharmuti- Chairman
Waster Sympli- Vice Chairman
Dawni Phawa- General Secretary
Omega Sumer- Assistant Secretary
Ki dkhot:
Rex Ramio Suchiang
Tremiki Sutnga
Dari Rupsi
Bin Raliang
Sati Symblai
Kyrpad Nongtdu
Monbha Nongbri
Medri Mynsong
Honstar Sari- President 7 Chnong Umladang Unit, u Leader Paia Dkhar u dkhot ka FKJGP Central Body da thung ya oo wow man u kam u Litigation Secretary yong ka FKJGP Jaiñtia Hills Zone.
