Pynbaad ka BJYM wa kwah burom u Dr. Mukul deiwa pynemkaam bakla ya ka NREGS

Shillong: Ka Bharatya Janata Yuva Morcha (BJYM) ha ka khubor wa phah ynne ka sngi da pynbaad ko wa i mang poisa wa T. 5 Lak yong ka sorkar jylla lyngba ka Chief Minister’s Rural Development Fund (CMSRDF) wow pynkreh ya ka Scheme NREGS ha ki constituency nongkyndong toh du i kwah burom wei pynemkaam bakla u Montri Rangbah ya ka Scheme NREGS.

Katkam wa ong u President ka BJYM, u Egenstar Kurkalang da ong u wa ka NREGA ym chah ko ya ki Montri Sorkar, ki (MLA) namo kiwon kiwon ki seiñ saiñ pyrthai wow kamtre u wai kamjooh u booh mooyurim wai ya ki kaam pynroi kiwa pynkreh da ka scheme NREGS.

Da pynbaad u leh wa u Montri Rangbah ka jylla, u Dr. Mukul Sangma da sdang u wow yahluti bakla ya ki paidbah wa ya ka scheme wa T. 5 lak toh lyngba ka CMSRDF heithaw ka NREGS yow yoh u lai booh moo yurim wei yow pynkrehkaam hei pyrtuid yong oo wa kiwi ki montri ka jylla.

“Kani toh ka buit pynbiej Election suda, i sñiaw lyngngoh i yei nood u Dr.Mukul Sangma wow ong cha ki paidbah wa ka Sorkar Pyrdi pynslem ko wow pynpoi yaka nongsngi kiwa mylla ki wa kreh chispah sngi ha ka jylla. Hei yong sakhiat ka Rural Development ymjooh pynslem ko yaka poisa naka Scheme NREGS wa phah tikna ko, tangwa wow pynkrehkaam won chong ha ka Sorkar Jylla”, ong u Kurkalang.

Related posts

Da jop chwa ki paidbah ha ka Election Gambegre: Saleng

November 4, 2024

Gambegre By-Election: U jied ki paidbah ya ka Party wa em ha ka sorkar

November 3, 2024

“Ka sorkar jylla haap ko u pynbiang ya i yukheiñ wa ki UC wa tikna, tangwa ha Meghalaya won ka Sorkar Jylla da pynemkaam bakla lut ko yaka poisa kiwa mylla NREGS neitæ i daw sahteiñ lut ki kaam wa kamjooh ka nongsngi kiwa mylla da ki boon bnai neidaw wa pyllai ya ka poisa cha kiwi ki kaam,”ong ka khubor na u Egenstar Kurkalang, President BJYM Meghalaya.