Ka Ministry of External Affairs (MEA) ka ri India da beh (Expel) ko ya ki heh ka Canada napoh ka ri wa kynthup ya u High Commissioner yong ka, wei ka India leh da phah liwan noh ko ya ki heh ka ri wa kynthup ya u High Commissioner wa kiwi kiwa em ha Ottawa, Canada.
Ka India da leh ko yeini hadien wa ka Canada da pyntip ko wa ki heh ka India wa em ha Canada da suba wa emkti ki hei chah tynyap u Hardeep Singh Nijar iwa da jia ynnin snem ha Canada heiwa u Hardeep man u kam u bru wa yaleh laitlooid yow yoh ya ka Khaslistan hapoh India.
Ki pulit ka Canada da pynbaad ki ya ki bru kiwa napoh India wa emkti ki ha ki kaam pynyap bru, u dawa poisa wa kiwi de ki kaam mynsoo mynsnaam.
Ka India da kyntait ko yeini deiwa ong wa ka Canada kwah ko wow pynhun ya ki Sikh wa em ha Canada yow yoh myntoi ha ki kaam Politics deiwa Vote na ki. Wei ini wa pynbaad wa u Indian High Commissioner wa kiwi ki Diplomat man ki kam ki bru wa suba wei ki wow chah takit toh iwa da pynbaad kulmar.
U Prime Minister ka Canada, u Justin Trudeau da ong u wa ka India da leh bakla ko wow kyrchaan ya kini ki bru wa leh ya ki kaam pyrchah aiñ ha Canada wei ka sorkar yong oo hap ko wow leh yeiwa emkaam hadien wa da chem ya ki sabut.
Hadien ini waroh, ka India da phah ko ya ki ki 6 ngut ki heh ka Canada wow mih na India chwa 11:59 i miet ka 19 tarik uni u bnai wei kini kiwa chah beh kynthup ki ya:
1. Stewart Ross Wheeler, Acting High Commissioner
2. Patrick Hebert, Deputy High Commissioner
3. Marie Catherine Joly, First Secretary
4. Ian Ross David Trites, First Secretary
5. Adam James Chuipka, First Secretary
6. Paula Orjuela, First Secretary
Discussion about this post