Pynbaad ka Congress wa pynchlur ka sorkar wow pynmih sa kawi ka thaw khajia pood waka Assam

Shillong: Ka liang pyrchah hapoh ka jylla Meghalaya ka Congress da ong ko wa i rukom leh ka sorkar heiyatoh wa iwa jia ha chnong Balakhawa, Ri-Bhoi District man ko kamwa e laad wow mih sa iwi i thaw khajia pood ha i thaw wa thymme hapyrdi ka Meghalaya waka Assam.

“Da em chwa ki thaw wa da ya khajia hapyrdi ka Meghalaya wa Assam. Dang kwah chooh mo wow mih chooh sa kiwi ki thaw wa thymme,” da ong u heh ka liang pyrchah, Dr. Mukul Sangma heipor wa yaklam wa kiwa thoh khubor ynne ka sngi.

Dr Mukul uwa wan na kani ka thaw wa jia ynnin ka sngi da ong u wa i thaw wa jia em i hapoh u pood u ang ka Meghalaya wei ki pulit ka Assam ym em hok ki wow kem ya u Michael Warjri, Secretary ka Hima Nongspung.

Da dawa u na ki pulit ka Assam wow pyndam ya kawon kawon ka kyndon aiñ wa chah pynngat u Warjri wei lada em kawon kawon ka kaam wa yatoh waka aiñ pyrchah ya u Warjri toh u chimkti da ka pulit wa em hok wow pait hapoh ka jylla Meghalaya.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U Dr. Mukul da pynbaad u leh wa ka sorkar jylla ym ye ko wow yada ya i mynsien bru kamjooh ya i thaw ki bhaw wa sah cha khappood.

“Heipor wa lai i cha Balakhawa, da yoophylla wa ka sorkar jylla ym em pyrkhat ko ya iwa emkaam ki bru wa sah cha khappood wow yoh ki yei yada ya ki kamjooh ya ka jylla,” da ong u heh ka liang pyrchah.

Da beiñ joor u leh ya u montri rangbah u Conrad K Sangma wym yoh por u wan pait ya kani ka thaw hadien wa chah ktah kti u Secretary ka Hima Nongspung, deiwa pynbaad wa yoh por u du wow lai cha Varanasi wa Lucknow, iwa kdaw yeiwa lai synraan u ya u Conrad ya u Prime Minister u Narendra Modi heipor wa thap pyrtuid u, wa ya u Home Minister u Rajnath Singh heipor wa lai yachem u ya u Bishop ka Lucknow.

Ha i jooh i por u Dr. Mukul da dawa u naka sorkar jylla wow yaklam ko chisyndon waka Assam yow pyntikna wa ini i toor pood ka Assam wow dam noh ko chisyndon.

Da ong u leh wa katwa dang pynslem, ka Assam daw yoh myntoi ko na kani ka kaam kawa da sah da slem.

Ynnin ka tayaw da em ki bru wa wan tympra ya i yung u Warjri, deiwa pynbaad wa joor pyrchah u ya i chna ya ka sarok PMGSY ha Balakhawa da ka sorkar Assam.