Pynbaad ka NHAI cha ki thaw sait kari wa ki Pipe wa pai kiwa pynsih ya u sarok NH6

Ka mukotduma PIL wa da yaleh da u Kynjaimon Amse pyrchah ya ka Natioanl Highways Authority (NHAI) heiyatoh wa u sarok NH6 da chong bichaar biang ka da ka Meghalaya High Court heiwa ynne da yoh yei jubab naka chnat PWD (Roads) kamjooh ka NHAI wei da kheiñ ya uni u sarok nadooh na Jowai Bypass hadooh Ratacherra.

Heiyatoh wa u Jowai Bypass uwa nadooh na Thadlaskein hadooh ha Mihmyntdu uwa jrong 7 Km uwa da pait da ka PWD, neiliang ka yung bichaar da ong ko wa uni u sarok toh uwa da sih bha hapoh i pait ka PWD hadooh wa da sih ki kari wa khia wei ki kari khian wa katni da hap ki wow psiah na Jowai neidaw wym nood de ki wow lai na uni u Bypass.

Neiliang ka PWD da e jubab ko deiwa pyndait lang wa ki dur wa pynyoo yei kreh wa dang lai chakhmat ya ki rood u sarok wei da e daw biang wa neidaw wa joor u slap ha u Naiynru ym em chah wow pynchna neibhah wa iwa da dep pynchna ini wa dep da chah rah lut i psiang ha u slap.

Tangwa ka High Court ym pdiang ko ya ini deiwa ong toh u pyrkhat mynnu u hiar u slap dep tæ pynkreh wei du neiwa hiar u slap kattu katni por ym ye wow e daw wa da sih u sarok hadooh kat deini. Wei da yooluti wow ye u pyndep u chna hapoh uni u bnai yow lait ki bru u lai luti deiwa jngai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka NHAI won da e daw ko wa em boon iwa leh ki bru tæ sih u sarok khamtam ki thaw sait kari kiwa da mih boon tylli harood u sarok NH6 wei kini ki thaw ymtoh kiwa em ki dooid wa biang wei ka um wa mih na kini ki thaw sait kari da pynkai bait cha sarok heiwa da lang um u sarok iwa da pynsih chooh chooh ya u sarok bar yei wan slap.

Ka NHAI da kdaw ko leh yei rukom booh Pipe um wa yoo kulmar harood u sarok nadooh na Jowai cha Ratacherra wei manda pai kini ki Pipe da lang um ha sarok iwa da wanrah yei khoh i psiang. Hajrong ini, ka High Court da ong ko wa ki bor District toh u pait ki yeini wei toh u booh kyndon leh ya ki thaw sait kari nadooh wa hap su ki da ka License wa kiwi de wei ka NHAI kamjooh ka sorkar jylla hap ki wow e jubab kammon da leh ha ki hapoh soo tayaaw.

Da phah leh ya ka sorkar wow yachem waka NHAI yow yaklam ya ini iwa boon i eh i khoo hawa yatoh wa u sarok Jowai-Ratacherra.