Ka seiñ Pnar Student Movement (PSM) ha ka 14 tarik uni u bnai da lai li pait ko ya ka HP Petrol Pump wa em ha Tuber Chohchrieh, East Jaiñtia Hills District hadien wa yoh ujor ko na ki paidbah wym em biang i rukom e phniang kari kani ka Petrol Pump cha ki paidbah la chi tayaaw tam haroh.
Hei hiar lai pait lai sylli ka seiñ ong ko wa da chem sakhiat ko yei em i leh thok kani ka Petrol Pump neibhah hawa thap phniang ko yaki kari ym em che wei ym em pynyoo katwon ka Density i phniang ha ka kor.
Ka seiñ ong ko wa hei pyrchang ko u yaklam wa u Manager yong kani ka Petrol Pump, u Rakesh Kumar Saran uwa na Rajasthan da e daw u kut jait.
Kamtæ hajrong ini ka seiñ da dawa ko na ki bor wa toh u pait wow sñiawbha ki u hiar lai pait lai sylli ya kani ka Petrol Pump, wei heijooh i por neiliang ka seiñ da maham ko ya ki Petrol Pump waroh wym toh u leh thok ki yei hok ki paidbah wei lada chem ka seiñ wa pteiñ ki wow leh kamni daw pyrkhat ko da kawi won ka luti.
Ka seiñ da ong ko leh wa daw lai yachem ko wa u DC ka East Jaintia Hills District hajrong ini.
Discussion about this post