Pynbaad ki arseiñ wa kreh tangdep u Contractor ya i kynroh ha Modop: WJNC & KSU

Jowai: “Du neidaw wa kreh tangdep u Contractor oor i kynroh ha jan yungmane Presbyterian Modop Nartiang” da ong ka seiñ WJNC Modop Unit.

Heichem ka seiñ wa yakani ka kynroh wa man ko ka kynroh wa em ha luti walai wa wan ki paidbah ki chnong da oor ko wei ki hali hator wa em ha hajan leh da chah ktah ki.

Hei sakhiat kat i kynroh wa heh uman ko kawa skem ymtoh du nei leh u slap tæ u oor ko da ong ka seiñ.

Hadien wada chem ka seiñ yeini daw yachem ko wa u SDO PWD Road North Division hei yatoh wa ini i kaam iwa booh yei eh i khoo ya ki paidbah wei daw e por chitayaw wow sdang chna ya ini wei lada ym ye u leh yeini daw lai cha khmat wow pyrchah ya u Contractor.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Yeini i jooh da pynsñiaw da ka KSU Nartiang Unit kawa da ong wa ini man i iwa ymye u pdiang neibhah hawa chna emkaam wow leh dei miat wei deiwa skem.

Heijooh i por da kyntu ya u EE ka PWD Road North Division Jowai wow chna smat ya kani ka kynroh wa haap leh hapoh u NH37 u wa lait liang chadooh Khanduli Assam.