Pynbaad kiwa chong chnong ka Jarain wa thombor u Dolloi ka Elaka Amwi yei hok yong ki

Ki paidbah chong chnong ka Jarain, West Jaiñtia Hills da pynbaad ki wa u Dolloi ka Elaka Amwi u Jemewell Pyrtuh da thombor u ya i hok kiwa chong chnong ha Jarain deiwa leh embor yow myntoi u samen deiwa e nongmuna ya ini wa da leh u pyrchah ya i rukom pynlai chnong kiwa da chim rai u ha chnong Mupyut wa ha chnong Thangbuli neibynta ka chnong Jarain.

Da ong wa u Dolloi da thoh u cha ka Special Officer ka JHADC wa da thung ya oo kam u Chairman yong ka yaw Jarain ha Mupyut ha ka 13-10-2018.

Haka chithi wa em tarik 14-06-2019 Sohmynting wa da thoh cha ka Special Officer, JHADC wa ya i pyrtuid ka yaw Jarain toh u man ko kam ka Jarain Arlyngdoh Lai Shnong wei ya ini i rai da chim ha Mupyut.

Haka chithi won wa em tarik Sohmynting 25^th Sept 2019, da thoh biang u cha ka Special Officer JHADC wa i pyrtuid ka yaw Jarain u man ko Amwi Arlyngdoh Iew Jarain. Wei ya ini i rai da chim ha ka Hall yong ka chnong Thangbuli.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kam leh wa da chah yah bakla ka Special Officer ha u Dolloi wa da pyllait yaka bhah (Share) yong ka yaw Jarain ha i pyrtuid yong ka Committee wa tip kam ka Amwi Arlyngdoh Jarain Pvt Market da ka Cheque yong ka Bank UBI Jowai, kawa chong dor T. 40,800 neibynta u snem 2016-17. Ini da jia ha ka 22-01-2020 khlem da tip ka chnong Jarain tangwa da chem lyngba ka RTI.

Ha ka 03-07-2020 da yoh pdiang yaka chithi na u Dolloi uwa da phah yaka Executive Committee yong ka chnong wow jied ya u bru wow man kam u Acting Waheh Chnong neidaw waka samoi krehkaam yong u Kliarbha Sana, Waheh Chnong da kut ko. Kamtæ ka Executive Committee yong ka chnong Jarain deilang wa ki bru rangbah, kiwa chnong chnong da chim ki yaka rai wow pteiñ biang ya u Kliarbha Sana kam u Waheh Chnong kat wym pu yoh yaka dorbar paidbah. Kamjooh leh ha ka chithi wa da thoh cha u Dolloi ha ka 9^th July 2020, da pyntip ya ini i jooh i rai wa ka Executive Committee yong ka chnong dang kwah ko wow pteiñ biang ya u Kliarbha Sana, u Waheh Chnong wa katni sa kattu katni por kat wym pu yoh wow pynman dorbar paidbah kamwa jooh man wei ya ini da pyntip leh cha ka Administrative Officer, JHADC Jowai.

Da pynbaad leh wa khnang wa uni u Dolloi u yoh laad u wow leh katwa ngait yaka chnong Jarain, da chim kabu u ya ka khlam COVID-19 wym chah u yalang paidbah heiwa da thung Acting Waheh Chnong ya u Ami Tariang ha Jarain. Ya ini i kaam thung Acting Waheh Chnong da leh sop sop ha yung krehkaam yong oo ha Mupyut khlem da tip ka chnong Jarain. Wei kam ka chnong da tip ya ini i kaam ha ka 27^th Aug 2020 manda yoh pdiang yaka chithi na u Ami Tariang uwa da phah wow wan e ya ki chabi ki yung chnong. Ki paidbah chnong mar ya tip ki ya ini da pynsñiaw ki yei pyrchah wa joor wei da pyntip wut wut cha ka District Council wa cha kiwi ki yung krehkaam wa em ha Amlarem Sub Division kamjooh cha u Deputy Commissioner, West Jaiñtia Hills District, deiwa pyllang yei soi pyrtuid ki paidbah ka chnong. Ki paidbah ka chnong Jarain da yang ki na ka JHADC Jowai wow pynbait ya ini i leh thurmur yong u Dolloi khlem da burom de ya i hok yong ki paidbah.

Da pyntip leh wa u Jemewell Pyrtuh, Dolloi Elaka Amwi da pynbna paidbah u lyngba ki laad pathai khubor wa daw wai biang yaka yaw Jarain ha ka 17^th Oct 2020, wei da ya ini da leh embor khlem da tip ka chnong Jarain.

I yakhih wa joor hapoh chnong Jarain katni toh wow pyndam noh ya u Ami Tariang kam u Acting Waheh Chnong wei lada ym ye wow pynbait ya kani ka kaam, ki paidbah ka chnong ym banse ki wow pynman da ka yakhih paidbah kawa rap joor neini chakhmat ha iwon iwon i por hadooh wa yoh ya i bichaar wa hok wei u Dolloi hap u wow kitkhlieh hi ya i pynkulmar yong oo ya ka chnong Jarain da ki rai wa samen yong oo.