Pynbaad u HS Shylla wa tyngkheiñ u Ardent ya ka aiñ Election

Shillong: U kyrtong ka NPP na Nongkrem u HS Shylla da pynbaad u wa u kyrtong ka HSPDP u Ardent M Basaiawmoit da tyngkheiñ u ya ka aiñ Election wei toh u pynchitom ya oo da ka tnat Election.

Hawa pynbaad wa u Ardent wa lai u khlem u paan bor na u Returning Officer wow pynman yalang ha chnong Mawmuthoh ha ka 2 tarik uni u bnai, u Shylla da ong wa i kam u Ardent wa toh du ka yalang party toh iwa bakla neibhah da pynman ya ka yalang paidbah.

U Shylla da kam u wa u Rangbah Shnong ka Mawmuthoh u Riborlang Kharumnuid da leh u ya iwa toh wow pynsangeh ya ka yalang neibhah wym yohbor u na u Returning Officer.

Ha iwi i liang, u Shylla da kam u wa u Ardent da pyndam u yei thai ka Article 371 ha yung dorbar.

Related posts

Hiar chuki u Nitish Kumar kam u CM ka Bihar hadien wa ksoh ya ka chuki 10 sien

March 30, 2026

Ym pu em e jubab ka JHADC lada daw pdiang yei tyrwa wow su noh da ka sorkar ya ka tulop

October 30, 2025

U Shylla da kam u wa heipor wa u Ardent rah u ya kani ka Article 371 ka phang ha yung dorbar dorbar chna aiñ ha u snem 2015, da pyndam u ya kani ka Resolution hadien wa yoh pynche na u Dr. Mukul Sangma.

Heijooh i por da beiñ u ya u Lambor Malngiang wa mynjur wow pynkylla ya ka aiñ Meghalaya Country and Town Planning Act 1972 deiwa kylla ya ka Section 1 Sub Section 2 wow yoh psiah cha ka thaiñ Laitkor ha u snem 2004 heipor wa man u kam u MLA ka Nongkrem.