Pynbaad uwa kreh ka Muktapur Veterinary wa chah pynlooid sula wei phah ngooh ki BSF napoh kjat

U Officer-in-Charge ka Muktapur Veterinary, West Jaiñtia Hills da kam u wa da chah lehbeiñ u ha ki chipai ka BSF kiwa da pynbaad ya oo kam u nong Bangladesh iwa da jia ynne ka sngi.

Da ong u wa ynne ka sngi kam ka Sngi U Blai da wan khwe dakha u cha Lakroh tangwa heipor wa lai luti u, ki chipai BSF kiwa da jooh ya krehlang lang u lada jia iwon iwon wei kiwa tipmit ya oo tangwa da takit ki ya oo.

Da ong u wa i rukom takit ya oo lakam wa man u kam u nong Bangladesh wei da kylli u na ki wa ileh ya kiwa wan na Bangladesh ym em takit ya ki wei hadooh ki masi leh ym em wa takit wa em hajan i thaw wa chah takit, kamtæ da sdang u wow riñ Video ya kini ki masi wa em chajan.

Hadien ini wa yoo ki wa leh u yeini, da knieh ki yaka Mobile Phone u wei da maham ki wow taan ya oo cha Zero Point deiwa ong wow siat yap ya oo wei da ong ki leh ya ki masi wow lai kem u da oo hi wei ym bien ki wow kem ki.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Hadien wa kbai u, da sñiaw ki bru wa khwe dakha kiwa ar ngut ki kynthai kiwa da wan wow yarap ya oo yow yaklam wei heini i por da mut ki BSF wow pynlooid patlun oo deiwa phah paan maap ya oo deiwa tba ha kjat wei da kyntait u wow leh yeini tangwa da ong u wa lada em iwa bakla u u paan maap u tangwa hadooh wow ngooh napoh kjat ym ye u wow leh.

Da ong u leh wa kynmoo u yei pyrtuid yong uwi na kini ki ar ngut ki BSF utæ toh u Rajendra Kumar kiwa da chim yaka Mobile Phone u.

Da khana u leh wa kini ki BSF da pyrchang ki wow looid sula oo wei heipor wa yaleh pyrchah u wa ki da lait ka T-Shirt u.