Neidaw i long i man ka khlam COVID-19, neiliang ka Deputy Commissioner, East Khasi Hills da pynmih hukum ha ko ha ka 2 tarik uni u bnai yow pynbait yei rukom wa ki dukan wa dai ya ki mar wa emkaam hadooh ka 10 tarik uni u bnai.
Kiwa dai Wholesale ya ki dakha, ki jhoor u wai ki man-ka-sngi nadooh 7:00 waje i step hadooh 7:00 waje i miet lait noh ki sngi Bibar. Ki dukan u wai ki da ka palai deiwa wai 8 tylli chi sngi nadooh 7:00 waje i step hadooh 7:00 waje i miet, ki dukan dai khoo wa kiwi ki marbaam (Wholesale shops) u wai ki leh da ka pali iwa 11 tylli chi sngi nadooh 7:00 waje i step hadooh 7:00 waje i miet. U Incident Commander, Zone-IV wa u Syiem ka Hima Mylliem u pynbait ki yei rukom wai kini ki dukan wa kdaw haneiñ.
Chooh chooh ka Deputy Commissioner da pyntip ko leh wa hap wow bood ya ki kyndon yada na ka khlam kam i yajngai uwi ya uwi, ym toh wow ya khynnia, u ya khublei kti, u ya kdung, hap wow deiñ ya ki Mask ha waroh ki por hawa lai thied mar, u man kiwa lehkhooid yei kti wa kiwi kiwi.
Ka Market Committee hapoh u Syiem ka Hima Mylliem da e bor wow daiñ kuna ya kiwa tyngkheiñ ya ki kyndon.
Ka Market Committee toh u pyntikna ko wa da sait khooid ya ka yaw chwa wow wai wei hadien wa khang ya ka yaw wei wow pynkhooid dei langær ya ki bynta wa hap ki bru wow tba kam ki dwar wa kiwi kiwi de.
Ka Market Committee toh u pyntikna ki wa kiwa wan thied toh u rah ki da ki yong ki hi ki muna wei wow yait u pynemkaam ya ki muna Plastic neidaw wa u khñiang neh slem u ha ki Plastic.
Toh u pynduna leh yei por wa pynlut hapoh ki dukan wei da pynchlur wow ya dai ya thied deiwa leh da ka Cashless Transaction.
