Tura : Deiwa pyrkhat ya ki khynnah puræ ki wow sdang noh ya ki exam waphær waphær yong ki, ka GSU da phah dorkhat ko cha u ma Sniawbhalang Dhar, Minister In-charge Power etc., kam wow pynkynmoo ya oo yei emkaam ki khynnah ya ka bor light ka wa biang ka wym pleh nadooh u Khonchonglad (November) hadooh ka tayaw wa ar yong u Kmaichonglad (December).
Ha ka dorkhat da ong leh sñiawthooh hi ka seiñ yeiwa duna slap ha uni u snem tangwa ong ki lada heipor Puja ye hi u pynbiang ya ka bor diñ wa biang yooluti leh wa ka daw thooh laad biang ka sorkar yow leh kamjooh neibynta ki khynnah puræ.
Da ong leh wa ha kani ka pyrthai wa thymme ka wa da biang i stad i che, ha ki chnong nongkyndong ka ri-loom Garo dang sah ki hei doom bait kiwa dang boon wa pynemkaam mumbati wa ki charak.
Ini leh dang jia hi i kam ha ka chnong Williamnagar, Tura, Baghmara wa kiwi kiwi heiwa man ka sngi dooh ka light khak khak iwa ktah yei chet i tu wa i sum i sleh ki paidbah.
Da kyntu leh ya ka sorkar wow thooh ko da kiwi ki laad pynmih bordiñ hapoh ri-loom Garo yow lait ko u chaniah na bar khnang wow lait ki paidbah u chem chitom.
Discussion about this post