Shillong: Neidaw wa em kiwa yoh COVID-19 kamjooh wa em ki bru kiwa em hei maa nei yoh ya uni u khñiang ha ki yung u Jerry Leiss Fancon, ka Sweety Jala, u H Wanpynshai Dkhar waka Winnie Amandaleen Kharmujai ha Malki Kharmalki, ha ki yung wa Compound ka Larisha Kharsati, ka Cicilia Suting waka Ellabella Suting ha Khliehshnong, Malki, ki yung wa ki Compound ka Mandalyn Lyngdoh Mawnai, Albinia Lyngdoh Mawnai, Reena Lyngdoh wa Sylvanus Shangpliang ha Malki Chinapatty, waroh ki bynta ka Riat Bharat ha Malki Nongshiliang, waroh i khap i yung ka Onima Nongkhlaw (Late Kongtai Nongkhlaw) hadooh ha laad yung Dr. Sondra Kharmalki ha Malki Nongshiliang, ki yung u Lambert R Shabong, Malki Pdengshnong waki yung u Iashanborlang Mukhim, Malki Nongpyngrope neidaw wa em leh ki High Risk wa Low Risk Contact wei yow ye u leh yaka booddien, Quarantine, Testing wa Isolation kamjooh yow yada yaki paidbah nei poor u COVID-19, ka District Magistrate, East Khasi Hills District da pynmih hukum ko haka 28th July, 2020 yow pynbna ya kitai ki thaw kam ki Containment Area yow lait nei mih nei psiah cha kini ki thaw khlem da yoh bor.
Da pynmih leh yaka hukum wow pynbna yaka Mawshaton kam ka Containment Area neidaw wa em wa yoh COVID-19 ha Mawshaton.
Ha kini ki thaw ym chah yaki bru wow mih ki cha lait wei wow neh bait ki hapoh yung, ym chah wow pynman ya kiwon kiwon ki yalang kamjooh wow wai ya kiwon kiwon ki dukan.
Ya iwa emkaam daw pynbiang da ki bor District.
Kani ka hukum ym krehkaam ko ya ki wakreh haka chnat i chait i khiah, Shillong Municipal Board, ki laad pathai khubor, ki Petrol Pump wa i li booh yaki LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
