Ka sorkar Meghalaya da pynbna ko ya ka 21 tarik uni u bnai February kam ka sngi chuti ha ki District wa pynman ya ka Election MDC cha ka Khasi Hills Autonomous District Council (KHADC) wa cha ka Jaiñtia Hills Autonomous District Council (JHADC).
Ki District wa krehkaam kani ka chuti toh ha East Khasi Hills, West Khasi Hills, South West Khasi Hills, Eastern West Khasi Hills, Ri-Bhoi, East Jaiñtia Hills wa West Jaiñtia Hills. Kiwa kreh ha kini ki District kiwa man kam kiwa thap Vote daw yoh chuti ki katwa kitu won kiwa em ha Garo Hills kiwa thap Vote cha ka KHADC wa JHADC daw e ya ki da ka Special Leave.
Ya kitu kiwa kreh wa ka sorkar pyrdi kiwa thap Vote cha KHADC næ JHADC, ya ki leh daw e da ka Special Leave.
Kitu kiwa kreh ha ki karkhana næ kiwi kiwi ki thaw wa pait hapoh ka aiñ N.I. Act, 1881 nadooh kiwa kreh nong sngi, kiwa kreh mylla kiwa em cha baar ka Constituency ki kamjooh hapoh ka Constituency ymtoh wow pyndooh ya ka nong sngi ki katkam ka Section 122(2)(b) hawa lai thap Vote ki.
Kam wow pynkynmoo wa ka sngi thap Vote cha ka KHADC deilang ka JHADC toh ha kani ka 21 tarik katwa ka sngi niaw Vote won toh ha ka 24 tarik.
Discussion about this post