Ka sorkar Meghalaya lyngba ka General Administration (A) Department da pynmih hukum ko ynne ka sngi yow pynbna ya ki 3 sngi ha uni u bnai Kmaichonglad (Dec) kam ki sngi chuti nalor kiwi ki sngi chuti wa da em chwa ha uni u bnai.
Kini ki sngi chuti toh haka 28, 29 wa 31 tarik uni u bnai kiwa neibynta waroh ki yung krehkaam sorkar wa kynthup leh ya waroh ki yung krehkaam Revenue wa ki Magisterial Court ha Meghalaya kiwa daw man kiwa khang ha kini ki le sngi.
Kini ki sngi chuti toh kiwa tip kam ki Compensatory Holidays kiwa daw hap su salan deiwa pynman kreh haka 13, 20 wa 27 tarik u Wisu (March), 2021 kiwa haap ha ki sngi Saturday.
