Shillong: Neidaw wa em kiwa yoh COVlD-19 ha ki yung wa em ha Central Nongrim Hills haki yung wa da chem ha Lumpyngngad wei neidaw wa em leh kiwa em hei maa nei yoh COVID-19, kamtæ yow booddien ya ki wei wow leh ya kiwi wa emkaam kam i leh ya ki Test, i Quarantine deiwa pyrkhat yei bha i miat ki paidbah, ka District Magistrate, East Khasi Hills District da pynmih hukum ko haka 29th July, 2020 yow pynbna yaki yung House No. C/D-015, hajan Full Gospel Fellowship Church ha Central Nongrim Hills wa ka Building wa Compound ka Mayorika Lyngdoh, i yung u Kitbok Wanrieh, i yung ka Sweety Lapang wa i yung u Ricky Kharshandi ka Block II wa i yung u Wanpynshai Nongrum ka Block III ha Lumpyngngad u man ki kam ki Containment Areas yow khang yei psiah i mih ki paidbah khlem da yoh bor.
Kani ka hukum da khang ko leh yaki bru paidbah wow psiah cha kini ki thaw, katwa kiwa em hapoh kini ki thaw ym toh u mih ki cha lait wei wow neh bait hapoh yung.
Da khang wow pynman ya kiwon kiwon ki yalang paidbah, ki khayi pateiñ.
Waroh ki dukan toh u man ki kiwa khang heiwa ya kiwa emkaam daw pynbiang da ki bor District.
Waroh ki yung krehkaam yong sorkar wa yong ki bru samen toh u man ki kiwa khang hadooh wa pynmih hukum da kamwi.
Kani ka hukum ym em khang ko ya ki wakreh ka chnat i chait i khiah, ki wakreh Shillong Municipal Board, ki laad pathai khubor, i lai booh LPG waki Petrol Pump.
Ya kiwa leh pyrchah daw pynchitom katkam ki kyndon ka aiñ Disaster Management Act, 2005 wa IPC.
