Shillong: Neidaw wa em wa yoh COVID-19 kamjooh wa em ki bru wa em hei maa wow yoh ya uni u khñiang ha ki yung wa em ha Rilbong neidaw wa yachem yajan kamjooh kiwa yachem pateiñ wa kiwa yoh COVID-19, kamtæ da emkaam wow leh yei booddien (Contact Tracing), Quarantine, Testing kamjooh yoh khang-kset ya kini ki thaw yow yada yaki paidbah nei poor uni u khñiang.
Kamtæ neiliang ka District Magistrate, East Khasi Hills District, haka hukum wa pynmih ha ka 23rd August, 2020 da pynbna ko ya i yung ka Nirmal Ghosh wa i yung ka Shipra Paul ha Rilbong kam ki Containment Area nadooh ka 23rd August, 2020 yow lait nei psiah i mih ki bru khlem da yoh bor cha kini ki thaw.
Kani ka hukum da khang ko leh ya ki bru paidbah wow psiah cha kini ki thaw wei kiwa em hapoh kini ki thaw wow neh bait ki hapoh yung.
Da khang wow pynman ya kiwon kiwon ki yalang paidbah, i wai ya ki dukan, ki yung krehkaam sorkar, ki yong ki bru samen kiwa em hapoh kini ki thaw. Ya iwa emkaam daw pynbiang da ki bru ki bor pynlai District.
Kani ka hukum ym em khang ko ya ki bru wakreh ha ka chnat i chait i khiah, Shillong Municipal Board, ki laad pathai, Petrol Pump wa kiwa li booh kum LPG.
Ya kiwa leh pyrchah daw pynchitom katkam ka Disaster Management Act, 2005 waka IPC.
