Pynbna ka AIFF Rs. 42.75 lak cha ki kynthai wa yalehbol ka India hadien wa yoh ki wow psiah cha ka AFC Women’s Asian Cup

Ka All India Football Federation (AIFF) ynne da pynbna ko ya ka song poisa kawa Rs. 42.75 lak (USD 50,000) kam ka khusnaam ya ki kynthai wa yalehbol ka ri hadien wa jop ki soo sien khem rem ha ka AFC Women’s Asian Cup Qualifiers wa dadep pynman ha Thailand.

Ka India da yoh ko wow psiah cha ka 2026 AFC Women’s Asian Cup wa daw pynman ha Australia hadien wa jop ki khlem da rem chsien leh deiwa pynrem ya ka Mongolia da 13-0, ya ka Timor-Leste da 4-0, ya ka Iraq da 5-0 wa ya ka Thailand da 2-1.

I jop ya ka Thailand toh iwa da sahkynmoo neidaw wa kani ka ri em ko ha ka 46^th Ranking katwa ka India won em ko ha ka 70^th Ranking.

Ka AIFF da ong ko wa da ye wow leh yeini deiwa sdang ya kiwa boon ki yalehke yow pynchlur nadooh dang khian deiwa sdang leh ya ki ASMITA Women’s Football League deiwa ya krehlang wa ka Sports Authority of India (SAI). Wei ha ki ar snem wa dadep da pynman 155 tylli ki League neibynta ki U-13, U-15 wa U-17 ha waroh kawi ka ri, wei deiwa leh yeini ki pyrtuid ki khynthai wa yalehbol da ku ki da 232% du ha chi snem.

Related posts

Rs. 4 lak ka song poisa ka lympung yalehbol ka Sutnga Pohshnong

July 30, 2025

Ha ka 6 tarik u sdang ka SPL 2025 deiwa em i pynkylla thymme

July 29, 2025

Yow pynkhreh ya kani ka Qualifier da pynman ya ka National Training Camp wa 53 sngi ha Bengaluru heiwa da pynman leh ki yalehke wa boon hapoh ka ri wa ar tylli ki FIFA Women’s International Friendlies pyrchah ya ka Uzbekistan kawa man leh kam kawi ka ri wa yoh u psiah cha ka AFC Women’s Asian Cup.

Neiliang ka AIFF da sñiaw skem ko wow yoh yei jop ha ka AFC Women’s Asian Cup kawa daw pynman ha u March 2026 wei u man ko leh kam ka Qualifier neibynta ka Women’s World Cup 2027 wa ka Los Angeles Olympics 2028.