Pynbna ka BSF ya ka Final Merit List yong i yaleh kreh kyrpang ya kiwa chong chnong ka Meghalaya

Ka Border Security Force (BSF) ynne da pyntip ko wa da ye wow pyndep lut ya ka Open Recruitment Rally-2025 kawa da pynman nadooh ka 2 tarik u September 2025 neibynta 300 tylli ki kreh wa lait yow man kam ki Constable (General Duty), wa da booh kyrpang ya ki Scheduled Tribe (ST) Category Candidates (Male & Female) neibynta waroh 12 tylli ki District ka Meghalaya.

Hadien wa pyndep ya ka Document Verification (DV), Detailed Medical Examination (DME) wa Review Medical Examination (RME) ya kiwa emkaam iwa da leh nadooh ka 27 tarik u October hadooh ka 4 tarik u November 2025 ha ki ar tylli ki Centre wa kynthup ya ka 200 Bn BSF Campus, Dhanakgiri, Tura wa BSF Hospital, Mawpat, Shillong, da pynmih ya ka Final Merit kawa dadep pynkhreh katkam ki Marks wa yoh kiwa yaleh kreh ha ka Written Examination.

Ya i pyrtuid kiwa da chah jied (Provisionally Selected Candidate) ye phi wow yoh deiwa lai ha kani ka Link https://d3t79nicn48uzj.cloudfront.net/bsf/custom/1762783860.pdf næ deiwa lai ha ki Website ka BSF www.bsf.gov.in wa http://rectt.bsf.gov.in.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Ki pyrtuid wa da pynmih toh kiwa daw hap wow leh yei pynsakhiat ya ki kot ki sla da ki bor sorkar: Character & Antecedent Verification, Educational Qualification (Matriculation), Domicile Certificate, Scheduled Tribe (ST) Certificate.

Ya ka Appointment Letter daw phah hadien wa dadep wow leh yeini waroh wei daw pyntip paidbah hadien lyngba ki laad pathai khubor.