Deiwa pyrkhat yei long i man ka khlam COVID-19 wei deiwa bood leh ya ka hukum ka sorkar Meghalaya wa da pynmih haka 28 tarik uni u bnai yow ye u kdoh u khoom yei poor ka khlam, ka Deputy Commissioner, East Khasi Hills da pynmih hukum ko ynne ka sngi yow pyntip wa waroh ki dukan wa dai ya ki mar wa emkaam (Essential Commodities) kiwa em ha ki dong ki chnong wow wai ki katkam wa pynbait da ki jar jiar ki Incident Commander ki jar jiar ki Zone deiwa ya pynbait wa ki Waheh Chnong deilang wa ki CCMT. Toh u pyntikna ki leh wa ym em i khynnia bru hapoh ki dukan.
Ki dukan dai Hardware, Electrical, Plumbing & Sanitary Ware, kiwa chna Computer, kiwa chna Mobile Phone, kiwa chna kari u wai ki katkam ka Numbering System wa da booh da u Incident Commander.
Ki Restaurant, ki dukan cha, ki dukan baam dihcha wa kiwi kiwi u man ki kiwa khang. Chah hi leh wow leh yei Home Delivery ya ki baam. Ki paidbah ye ki wow yaklam wa ki jar jiar ki Incident Commander yow yoh yaka yutip wa bniah.
Waroh ki Bar, Club, Cinema Hall, Salons/Beauty Parlour, Yoga Institutes, Gymnasium, Cyber Café, Gaming Parlour, ki thaw thoh tim wa ki Swimming Pool u man ki kiwa khang. Ki dukan kiwa dai ya ki mar kiwa ym toh kiwa emkaam kiwa wai khlem yoh bor na ka yung krehkaam ka Deputy Commissioner, East Khasi Hills ye ki u chah pynchitom katkam ka aiñ.
Ini toh neibynta ki dukan wa em ha Shillong wa ki thaw khapsor.
