Pynbna ka DC ya ki hukum ka TOTAL CURFEW ha East Khasi Hills

Ka DC ka East Khasi Hills District kam chibynta wow bood ya ka hukum ka sorkar jylla lyngba ka Home (Political) Department kawa da pynmih ynnin ka 18 tarik kawa da mih heithaw ka hukum wa da pynmih ha ka 15 tarik uni u bnai wei deiwa pyrkhat leh yei pteiñ i ku kiwa dang yoh COVID-19 ha East Khasi Hills District wei neidaw leh wa da jan dap leh ki thaw thiah ha ki thaw summaar.

Neiliang ka DC ka East Khasi Hills hapoh ka Section 144 Cr.PC deilang wa ka Regulation 3 ka Meghalaya Epidemic Diseases, COVID–19 Regulations, 2020 da pynkrehkaam ko da ka TOTAL CURFEW ha East Khasi Hills District nadooh 8:00 waje i miet ka 19-05-21 hadooh 5:00 waje i step ka 31-05-21.

Kamtæ da khang wow lai na kawi ka District cha kawi. Ym toh wow mih khlem em ki daw wa biang, ki kari wa mih khlem em ka Pass wa biang daw ye ki wow chah kem.

Ki kaam chna yung kiwa chah ini wa da dep da man ki waroh kiwa da chah pyndam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki kaam wa chah toh kiwa yatoh wa i chait i khiah, wa kynthup ya i lai e tika deiwa pynyoo ya ka COWIN Registration wa i ksoh yei bhah (Slot Booking). Ki kaam wa yatoh wa ki dawai dachin, i lai i wan ki mar wa emkaam, i lai phah sumaar wa jhan, ki bru wa lai ya ki kaam sorkar, kamjooh kiwa lai ya ki kaam wa yatoh wa u COVID-19, ki pulit, ki chipai, ki Home Guards, ki Fire & Emergency Services, ki kaam bordiñ, ki kaam pynpoi um, ki kaam Municipal, ki kaam wa yatoh wa i saam rachon, Information and Public Relations, Telecommunication Services, ki laad pathai khubor, NARI/1917iTEAMS, ki Petrol Pump, i li booh tadong LPG, ki yung krehkaam sorkar kamwa da dep pynbna, ka State Bank of India, Main Branch wa Laitumkhrah Branch.

Chah hi wow leh ya ka Home Delivery Services neibynta ki marbaam, i doh, ki jhoor, ki sabon wa kiwi ki tiar wa emkaam yow pynkhooid ya idæ heiwa daw pynmih da kawi ka hukum heiyatoh wa ini. Ki Pass wa da e warim u krehkaam ki du hadooh ka 19-05-2021.

Ki kaam wa yatoh wa i yap bru, u chah wow em du 10 ngut ki bru deiwa yoh bor chwa.

Waroh ki Pass kiwa da e neibynta ki kaam wym chah u leh ym krehkaam de ki nadooh 8:00 waje i miet ka 19-05-21.